Олонд танигдсан цагаасаа эхлэн уран бүтээлээрээ өрсөлдөж нэг нэгэнрүүгээ хатуухан үг шидэлцэж
явсан реппер Цэцэ болон Big Gee нар эвлэрчээ. Олон жилийн маргаанаа таслан нэгэн тайзан дээр хамтран дуулахаар болсон тэд тун ч найрсгаар хамтдаа шууд бичлэг хийсэн байна. Тэдний уран бүтээлийн өрсөлдөөн Цэцэгээс эхэлсэн байдаг бөгөөд тэд бие биедээ зориулан 3,3 дуу гаргасан байдаг гэнэ. Нэгнийхээ оролцох тоглолтод оролцохгүй, дуулах дуунд нь хамт орохгүй хэмээн тунирхаж явсан тэд эцэст нь ийн маргаанаа таслан хамтдаа тайзнаа гарахаар болоод буй аж. Цэцэ хамтдаа уран бүтээл хийх сонирхолтой байгаагаа удаа дараа илэрхийлсээр байсан бөгөөд тэр цаг үе тун удахгүй тохиож хип хоп сонирхогч олныг баярлуулахад тун ч ойрхон болжээ.
