Жүжигчин Б.Навчаа “Лардьма” киногоороо олныг багагүй шуугиулсан нэгэн. Өөрийнхөө амьдралаас сэдэвлэн тус киног хийсэн хэмээн маркетинг хийсэн нь ч амжилт олж олон нийтийг энэ чиглэлд анхаарлаа хандуулахад томоохон түлхэц болсон тэрээр нөхрийнхөө гарт харамсалтайгаар амиа алдсан бүсгүйн том охинд тусалж буй ажээ. Тодруулбал энэ оны дөрөвдүгээр сард Хэнтий аймагт нөхөр Цогтбаяртаа зодуулан харамсалтайгаар амиа алдсан Осгонтуяа хэмээх бүсгүйн том охин Уянга жүжигчин Навчаад хандан захидал бичсэн байх бөгөөд тэрээр уг хэргийг үнэн зөвөөр шийдвэрлүүлэхэд Навчааг туслахыг хүссэн байна. 4-р сарын 5-ны өдөр Цогтбаярын гэрт Хэрлэнчимэг хэмээх танил нь ирснээр тус хэрэг гарсан бөгөөд тэд Осгонтуяагийн нүдэн дээр завхайрсан аж.
Тэдний энэхүү үйлдэлд бухимдсан эхнэрээ хэвтэрт ортол нь хадаастай банзаар зодсон Цогтбаяр өмнө нь 4,5 удаа ял авч байсан гэх бөгөөд анхны эхнэрийнхээ хөхийг заазуурдаж байсан нэгэн гэнэ. Тус хэрэг болоход тэдний 9 настай охин байсан бөгөөд энэ тухай эгч Уянгадаа хэлсэн аж. Осгонтуяа бүсгүй зодуулсныхаа дараа хэд хоног гэрийн хорионд байсан бөгөөд эмнэлэгт хэвтээд удалгүй нас барсан байна. Харин шүүх эмнэлгийн дүгнэлтээр бүсгүйг зодуурын улмаас биш харин элэгний циррозоос болон нас барсан хэмээх дүгнэлт гурван ч удаа гарсан бөгөөд аргаа барсан охин жүжигчин Навчаад захидал бичсэн аж. Жүжигчин Навчаа өөрийн зүгээс өмгөөлөгч хөлслөн бүх зардлыг даахаар болсон бөгөөд өмгөөлөгчөөр 13 настай охины хэрэг дээр ажиллаж буй Р.Булгамаа ажиллаж байгаа ажээ.
