Б.Хурц нарын есөн хүнд холбогдох эрүүгийн хэргийн шүүх хурал сая өндөрлөж, шүүх шийдвэрээ танилцууллаа. Нийслэлийн прокурорын газраас нэр бүхий есөн хүнийг “гүйцэтгэх ажлын хууль тогтоомж зөрчиж, хууль бусаар эрүү шүүлт хэрэглэсэн” хэрэгт буруутган Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар яллах дүгнэлт үйлдэж, шүүхэд шилжүүлсэн билээ. Өнгөрөгч даваа гаригаас эхлэн зургаан өдөр хуралдсан шүүхийн хэлэлцүүлгийн эцэст шүүх бүүрэлдэхүүн хэргийн нотлох баримт хангалтгүй хэмээн үзэж прокурорт буцаалаа.
