Цэнэглэж байсан гар утас дэлбэрч, 14 настай охин нас баржээ

 Казахстан улсын Бастобе хотод амьдардаг Алуа Асеткызи Абкзалбек гэх 14 настай охин харамсалтай байдлаар амь эрсэджээ. Тэрбээр унтахдаа гар утсаа цэнэглэн орныхоо хажууд тавьсан нь дэлбэрч, үхлийнх нь шалтгаан болсон байна.

Тодруулбал, охин чихэвч зүүн гар утаснаасаа хөгжим тоглуулж, үүний хамт цэнэглэгчинд холбож дэргэдээ тавиад унтаж орхисон байсан гэдгийг цагдаа нар хэлжээ. Охины ээж өглөө өрөөнд нь ороход тэрбээр нас барсан байсан бөгөөд, толгой орчмын газар нь битүү түлэгдсэн байсан гэв. Дэлбэрсэн гар утсыг цагдаа нар хурааж аван, шинжилгээнд оруулахад баттерейн хэт халалт үүссэний улмаас уг үйл явдал болсон нь тогтоогджээ.

С.ЧИЧҮҮЛЭН
ЭХ СУРВАЛЖ https://eguur.mn/35343/?fbclid=IwAR3QzJEc26AdOnkHASDwauj5TQMFm_UGhYk8mys0Zri48hBs3e-XKGWJYEQ