Нийгмийн цахим сүлжээнд хахир өвлийн орой хүйтэнд бяцхан үрсээ дагуулан
ус түрэн яваа
эмэгтэйн гэрэл зураг түгэсэн билээ. Улмаар зарим хэвлэл
мэдээллийн байгууллага болон ХСИС-ынхан очиж тус эмэгтэйн амьдрал
ахуйтай танилцсанаар олон хүнд түүнд гар сунгах гүүр нь болсон байдаг.
Дотоод хэргийн их сургуулийн Ахлагчийн сургуулийн багш, алба хаагч,
сонсогчдын анхлан санаачилан зохион байгуулсан “Ирээдүйд гэрэлтэх
зүрхний төлөө” сайн үйлсийн аян сайхан мэдээгээр өндөрлөж байна.
1Сайжруулсан түлш савласан цалингаараа аян эхлүүлсэн Дотоод хэргийн их
сургуулийн 210 сонсогчид өвлийн хүйтэнг үл тоон бяцхан үрс болон
үрийнхээ төлөө гэсэн ганц бие ээжид амьдрах урам хайралсанд олон иргэд
талархалаа илэрхийлээд буй. Тус сургуулийн хамт олон аяны хүрээнд өөрийн
гэсэн орон гэргүй, зургаан охинтой өрх толгойлсон Г.Эрдэнэчимэг бүсгүйд
тусламжийн гараа сунгаж, орон гэртэй болгон, хашаа, амбаар барьж,
хүүхдийн тоглоомын талбайтай болгохыг зорин ажилласан нь тэрхүү өрх айлд
амьдралд нь дэм болоод зогсохгүй сэтгэлд нь итгэлийн оч асаасан үйл
явдал болжээ.
1Сайн үйлсийн аянд нэгдсэн байгууллага, иргэдийн тусламжтайгаар
Г.Эрдэнэчимэгийн гэр бүлд өргөө цагаан гэр, гэрийн тавилга, хувцас,
цахилгаан бараа, хүүхдийн хичээлийн хэрэгсэл, тоглоом, хүнс, сайжруулсан
түлш зэрэг бусад эд зүйлийг нь хүлээлгэн өгчээ. Энэхүү арга хэмжээнд
ДХИС-ийн Ахлагчийн сургуулийн захирал, цагдаагийн хурандаа Г.Ганбаатар
тэргүүтэй тус сургуулийн хамт олон, “Домогт хийц” ХХК, “Ривер клуб”,
“Хобби зон” ХХК-ийн төлөөлөл оролцож, Г.Эрдэнэчимэгийн гэр бүлд сайн
сайханыг хүсч, гэр, хашаа, бусад эд зүйлийг нь хүлээлгэн өгч гарын бэлэг
гардуулав.
1Энэ үеэр олон хүүхэдтэй ээж Г.Эрдэнэчимэг аянд нэгдэж, тусламжийн гараа сунгасан хүн бүрт талархсанаа илэрхийлжээ.“Ирээдүйд гэрэлтэх зүрхний төлөө” сайн үйлсийн аян найман хоног
үргэлжилсэн бөгөөд энэ хугацаанд Ахлагчийн сургуулийн сонсогчид хүйтнийг
үл ажран газар ухаж, хашаа хатгасан байна. Мөн аян хүрээнд “Түмний
байр” төслийн хамт олон Г.Эрдэнэчимэг бүсгүйд 40 шуудай сайжруулсан
түлшээр сэтгэлийн хандив өргөсөн бол “EMALIDENT” шүдний эмнэлгийн эмч
нар Г.Эрдэнэчимэг болон түүний охидод амны хөндийн үзлэг, эмчилгээ
хийжээ. Мөн Ахлагчийн сургуулийн Хилийн албаны тэнхимийн багш, алба
хаагчид Г.Эрдэнэчимэгийн гэр бүлд хөргөгч, цахилгаан зуух зэрэг эд
зүйлийг хүлээлгэн өгөв.Аяны хүрээнд байгууллага, иргэдээс 15 сая орчим төгрөгийн хандив
цуглажээ. Энэ мөнгийг гэр, хашаа, амбаар барих, бусад шаардлагатай эд
зүйлд зориулж үлдсэнийг нь Г.Эрдэнэчимэгийн хүүхдүүдийн “Голомт банк”-ны
хадгаламжийн дэвтэрт хадгалуулсныг Ахлагчийн сургуулийн дамжааны
захирагч-багш, цагдаагийн ахлах дэслэгч Л.Батсүрэн онцоллоо.
“Ирээдүйд гэрэлтэх зүрхний төлөө” аяныг амжилттай зохион
байгуулсан Ахлагчийн сургуулийн хамт олон, тус сургуулийн Цагдаагийн
албаны тэнхимийн ахлах багш, цагдаагийн хошууч Х.Эрдэнээ, дамжааны
захирагч-багш, цагдаагийн ахлах дэслэгч Л.Батсүрэн, сонсогчдод
Г.Эрдэнэчимэгийн гэр бүл, иргэд талархал илэрхийлсээр байна.
1http://medeemn.info/13072?fbclid=IwAR3EreeY7ht1Jpuv2SRVqSFTSlJk0kP-CU7Nk11-5uuouK1fSRXNXIblS5M
