Жил бүр тодорхой тооны оюутныг ИНЕГ-ын тэтгэлгээр гадаадад сургадаг билээ. Ингэхдээ тус газраас 2.7-3.5 тэрбум төгрөгийг зарцуулдаг байна. Харин өнгөрсөн оны аравдугаар сарын 31-ний өдрийн байдлаар 74 оюутныг гадаадад сургахаар явуулжээ.
Харин тэдний ес нь салбараасаа өөр мэргэжлээр суралцаж байгаа нь тогтоогдсон байна. Энэ нь бусдад давуу эрх олгосон гэмт хэрэгт тооцогдож байгаа аж.
Энэ талаар АТГ-аас тодруулахад "ИНЕГ-ынхан өөрийн зардлаар оюутнуудыг гадаадад сургахдаа сонгон шалгаруулалтыг ил тод явуулаагүй, бусдад давуу эрх олгосон байж болзошгүй үйлдэл илэрсэн. Тэдний ихэнх нь албан тушаалтны хүүхдүүд байна.
Энэ жил ИНЕГ-ын тэтгэлгээр 22 оюутан АНУ-д сурч байна. Тэдний зургаа нь л салбартаа ажиллаж байсан. Бусад нь салбараасаа тэс хөндлөн мэргэжлээр суралцаж байгаа нь тогтоогдсон" гэх тайлбарыг өглөө.
Б.ЭРХЭС
WWW.ZINDAA.MN
